Febreiro

Febreiro ilustrado no libro de horas Les Très Riches Heures du Duc de Berry, manuscrito do s. XV.

Febreiro é o segundo mes do ano no calendario gregoriano, con 28 días os anos normais e 29 os anos bisestos. Tres veces ao longo da historia, e só en determinados países, houbo un 30 de febreiro.

Acontecementos en febreiro

• O 14 de febreiro celébrase o Día dos namorados, ou de San Valentín.
• Por estas datas celébranse os seguintes certames cinematográficos: Premios Goya da Academia de Artes Cinematográficas de España, a Berlinale en Alemaña, os premios Mestre Mateo da Academia Galega do Audiovisual e finalmente os Premios Óscar (por orde máis ou menos cronolóxica).

Febreiro na cultura popular

Artigo principal: Febreiro na cultura popular galega.

• Por San Brais, dúas horas máis. [3 de febreiro]
• Por San Pedro da Cuadrela, sal a cóbrega da súa pedra. [22 de febreiro]