En tibi Lector
Effigies PETRI DRELINCURTII LLD.
E Drelincurtiorum gente Parisiensi,
Liberati et erudita;
in qua pater claruit Carolus;
Cui, quod fides reformata latius effulgeat,
Debent Populares :
quod mortem non extimescant,
Christiani Universi.
Hunc habuit studiorum pariter et morum exemplar.
Patriam reliquit adolescens,
Ecclesiæ Anglicanæ desiderio,
Non Suæ infortunio :
Habuitque Angliam
Non Asylum sed Patriam.
Ubi visus est, Jacobo Ormondiæ Duci, dignus,
qui fibi esset a sacris domesticis;
Nepoti, Oxoniæ literis operam danti,
Tam studiorum quam consiliorum moderator;
Quibus muneribus fideliter functus,
Ad hujus Ecclesiæ Decanatum,
Ultra vota et ambitum evectus est.
Hoc marmor mortuo dicavit uxor,
Pietate Superflua;
Cui nempe, hæc Ecclesia, quam decenter ornata.
Et tantum non extructa;
Cui Ecclesia Sancti Dulaci, non tantum extructa,
Sed et sacra supellectili pretiose instructa,
Etiam Pastore redonata;
Cui, Hospitium puerorum inopum apud Dublinienses,
Ampla munificentia ditatum,
Monumenta exstant perennia.
Tu Lector
Adstrue tibi vivo monumentum
Cippum apponant aut etiam non apponant
Posteri.