Tetun: Ministru Transporte no Komunikasaun
Partisipa Serimónia Komemorasaun Loron FALINTIL ba Dala-47.
DILI .MTK: 20 Agusto 2022 .Exeléncia Ministru Transporte no Komunikasaun Sr. José Agustinhu da Silva , partisípa iha Serimónia Komemorasaun Loron FALINTIL 20 de Agostu ba Dala-47, Ho Tema selebrasaun Loron aniversário FALINTIL maka "INCREMENTAR OS VALORES DAS FALINTIL NO PROCESSO DE RECONSTRUCAO NACIONAL,iha Palácio Governu, Dili.
Serimónia ne'e prejidi husi S.E. Prezidente Repúblika, Sr. José Ramos-Horta, iha âmbitu selebrasaun Komando FALINTIL- Força Defesa Timor-Leste (F-FDTL),halo promosaun deviza ba membru na'in Sia husi postu Tenente Koronél ba postu koronél mak Tenente Koronél Celestino Pinto "Wairia" Dae'leba, Tenente Koronél Benedito Dias Quintas "Punu-Fanu", no kapitaun Fragata, Adão Brito "Zeky", postu maijor promovidu ba Tenente Koronél na'in ida mak Major Laurentino Gusmão "Mau-Ular" , enkuantu postu Primeiru Tenente promovidu ba Tanente Duarte Borges Loe. Nune’e, promosaun diuturnidade, husi postu Alferis promovidu ba postu Tenente mak Alferis Francisco da Costa, postu primeiru Sarjentu promovidu ba postu sarjentu Mor makGuilhermino da Costa Lake.
Prezidente Repúblika, Dr. José Ramos Horta, hateten misaun forsa atu kontribui hametin dame iha ita nia rai, rejiaun no mundu, iha ne'ebé de'it misaun forsa armada nian lolos mak defende konstituisaun ho defende ba instituisaun demokrátiku tuir konstituisaun tuir orgaun eleitu la tuir partidu no la tuir interese individual. Prezidente Repúblika mos apresia ba aktividades social F-FDTL hakbesik ba populasaun hodi apoia Governu no Estado.
S.E.Prezidente Repúblika José Ramos-Horta uza kompetensia dekreta hodi kondekora medalla meritu ba kondekoradu sira maka hanesan Xefi Estadu Maior Jenerál Força Armada husi Portugal Almirante Antonio Manuel Fernandes da Silva Ribeiro, Xefi Estadu Maior Jenerál Força Armada husi Commonwealth Australia Jenerál Angus Campbell, Chefe Estadu Maior Jenerál Força Armada husi Repúblika Indonésia, Jenerál Andika Perkasa, nomós Eis Ministru no Eis Servisu Nasionál servisu Intelegensia Repúblika Indonésia no Veteranus husi Operasaun Seroja ,Jenerál Reformadu Abdullah Makhmud Hendroprioyono.
Atribuisaun Medalla Meritu bajea ba Dekretu Lei Númeru 15/2019/18 Marsu hodi agradese ba civil no militar husi Nasionál ho Inter