Teddy Bautista

Na Galipedia, a Wikipedia en galego.
Teddy Bautista
Nacemento27 de maio de 1943
Lugar de nacementoAs Palmas de Gran Canaria
NacionalidadeEspaña
Ocupaciónmúsico
Na rede
IMDB: nm0062544 Musicbrainz: 9006a1d7-e62b-46d5-b79a-4af915c1d1e4 Discogs: 329348 Editar o valor em Wikidata
editar datos en Wikidata ]

Eduardo Bautista García, coñecido como Teddy Bautista, nado en Las Palmas de Gran Canaria o 27 de maio de 1943, é un músico e empresario español, presidente da SGAE.

Traxectoria[editar | editar a fonte]

Foi líder de Los Canarios, grupo de orixe canaria de finais dos anos 1960, que se dedicaba á música soul, derivando logo cara ao rock con metais. En 1968 tiveron o seu maior hit "Get on your knees". Cabe destacar o seu posterior traballo de rock progresivo Ciclos, no cal se versionan as catro estacións de Antonio Vivaldi, unha obra máis ben experimental no seu momento na que se fusiona o rock cos últimos avances da música electrónica da época.

É destacábel a súa achega á banda sonora de Xesuscristo Superstar, na que interpreta na súa primeira versión española a Xudas, un dos personaxes principais da obra. Tamén actuou en musicais (Annie, 1981) e en varias películas españolas da década de 1980. Desde entón non se dedicou a ningunha finalidade creativa, centrándose no seu cargo de presidente da SGAE.

Estivo casado con Paloma Siles e tiveron unha filla. Doutro matrimonio ten outra filla e un fillo.

En 2011 era o presidente do Consello de Dirección da Sociedade Xeral de Autores e Editores (SGAE) onde se viu implicado en numerosas polémicas, en especial pola súa campaña en favor do canon compensatorio por copia privada nos soportes audiovisuais, e por cobrar diñeiro en actos benéficos.

Véxase tamén[editar | editar a fonte]

Ligazóns externas[editar | editar a fonte]