Paradela

Na Galipedia, a Wikipedia en galego.
Modelo:Xeografía políticaParadela
Imaxe

Localización
lang=gl Editar o valor em Wikidata Mapa
 42°45′50″N 7°34′03″O / 42.764, -7.5674Coordenadas: 42°45′50″N 7°34′03″O / 42.764, -7.5674
EstadoEspaña
Comunidade autónomaGalicia
ProvinciaProvincia de Lugo Editar o valor em Wikidata
CapitalParadela Editar o valor em Wikidata
Poboación
Poboación1.638 (2023) Editar o valor em Wikidata (13,52 hab./km²)
Xeografía
Parte de
Superficie121,12 km² Editar o valor em Wikidata
Altitude345 m Editar o valor em Wikidata
Comparte fronteira con
Organización política
• Alcalde Editar o valor em WikidataJosé Manuel Mato Díaz Editar o valor em Wikidata
Eleccións municipais en Paradela Editar o valor em Wikidata
Identificador descritivo
Código postal27... Editar o valor em Wikidata
Fuso horario
Código INE27042 Editar o valor em Wikidata

Sitio webparadela.es… Editar o valor em Wikidata

Paradela é un concello da provincia de Lugo, pertencente á comarca de Sarria, que forma parte da Ribeira Sacra. Segundo o INE a súa poboación no 2017 era de 1.851 habitantes (2.307 no 2006, 2.367 no 2005, 2.408 no 2004, 2.463 no 2003) e 1.723 no 2021. O seu xentilicio (véxase no Galizionario) é «paradelense».

Demografía[editar | editar a fonte]

Censo Total 1.851 (2017)
Menores de 15 anos 97 (5.24 %)
Entre 15 e 64 anos 1.027 (55.48 %)
Maiores de 65 anos 727 (39.28 %)

Xeografía[editar | editar a fonte]

Paradela sitúase no suroeste da provincia de Lugo, entre o val do río Miño e a depresión de Sarria. Limita ao norte co Páramo, ao sur con Bóveda e O Saviñao, ao leste con Sarria e O Incio, e ao oeste con Taboada e Portomarín. Ten uns 121,12 km²,[1] repartidos en 18 parroquias.

Polo oeste pasa o río Miño, e atravesando a parte norte está o río Loio. O punto máis alto é Pena Ventureira (838 m), sendo a altitude media do concello de 600 m.

Heráldica[editar | editar a fonte]

O concello de Paradela aprobou o 16 de abril de 1986 o proxecto de Estudo Heráldico e Estandarte para o Concello redactado por Vicente Cárdenas y Vicent, sendo aprobado definitivamente pola Xunta de Galicia o 16 de outubro do mesmo ano.

No escudo aparece a mitra, representando o mosteiro de Santa María de Loio, que aparece nomeado na Bula aprobatoria da Constitución canónica da Orde de Santiago, expedida polo Papa Alexandre III.

A campá representa a de San Miguel, á que sempre se lle atribuíu unha axuda milagreira nos partos dificultosos.

A grande Cruz de Santiago, no centro, lembra o paso do camiño francés a Santiago de Compostela polo concello, onde houbo importantes hospitais de peregrinos, así como unhas das primeiras posesións e casas matrices da Orde.

Os dous castiñeiros representan a destacada riqueza forestal de Paradela.

Patrimonio[editar | editar a fonte]

No concello sitúanse o mosteiro de San Facundo de Ribas de Miño (século XIII), o mosteiro de Santa María de Castro de Rei e o mosteiro de Santa María de Loio.

Toponimia[editar | editar a fonte]

Segundo Nicandro Ares Paradela é o nome do concello e de catro parroquias, mais non de ningún lugar. É un diminutivo de parada (latín parata) nun camiño,[2] como o Camiño de Santiago.

Personaxes ilustres[editar | editar a fonte]

En Paradela naceron Xosé Arias Fernández, José Ramón Dosio López, Emilio Golás, José López Armesto, José López López, Luis López López, Diego López Rodríguez, José Manuel Mato Díaz, Xesús Mato Mato, Manuel Rodríguez López e Maximino Rodríguez Perez.

Galería de imaxes[editar | editar a fonte]

Artigo principal: Galería de imaxes de Paradela.

Lugares de Paradela[editar | editar a fonte]

Para unha lista completa de todos os lugares do concello de Paradela vexa: Lugares de Paradela.

Parroquias[editar | editar a fonte]

Galicia | Provincia de Lugo | Parroquias de Paradela

Aldosende (Santiago) | Andreade (Santiago) | Barán (San Pedro) | Castro (San Mamede) | Castro de Rei de Lemos (Santa María) | As Cortes (San Salvador) | Ferreiros (Santa María) | Francos (Santa María) | A Laxe (Santiago) | Loio (San Xoán) | Paradela (San Miguel) | San Facundo de Ribas de Miño (San Facundo) | San Martiño de Castro (San Martiño) | San Vicente de Paradela (San Vicente) | Santa Cristina de Paradela (Santa Cristina) | Santalla de Paradela (Santalla) | Suar (San Lourenzo) | Vilaragunte (Santa María)

Notas[editar | editar a fonte]

  1. "Superficie". IGE. 27-01-2020. Arquivado dende o orixinal o 03-05-2021. Consultado o 26-04-2021. 
  2. Ares Vázquez, Nicandro (2011). Estudios de toponimia galega, tomo I. Real Academia Galega. ISBN 978-84-87987-83-0. 

Véxase tamén[editar | editar a fonte]


Este artigo tan só é un bosquexo
 Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.